Dòbel data mobil den kuadro di kambio di UTS pa Flow

 

Kralendijk, Boneiru (21 di mei, 2021) – Mas data mobil i mas sosten na nos klientenan. Esei ta e promesa awor ku e kambio di UTS pa Flow awe.

Pa selebrá esaki i kumpliendo ku su promesa, e kompania ta dòbel e data di tur aktivashon nobo di Chippie Combo bùndelnan te ku fin di mei, asina brindando klientenan e oportunidat di disfrutá mas, haña mas entretenimentu i hopi mas.

Klientenan por aktivá kualke Combo bùndel di Chippie i kuminsá disfrutá mesora di e oferta aki.

“Nos ta agradesido pa e konfiansa ku nos klientenan a bin ta depositá den nos durante añanan i ta primintí di sigui dediká kontinuamente na proveé mas balor i konekshon mobil konfiabel ku nos ta konosí pa duna. Ta algu mas ku dos aña ku nos a kuminsá e proseso pa integrá ku Flow. Miéntras awor nos ta sigui pa dilanti bou di e marka Flow, nos kompromiso pa mantené nos klientenan konektá na loke tam as importante, ta mas fuerte ku nunka,” Danny Macaya, Country Manager pa Flow Boneiru i Kòrsou a indiká.

“Nos klientenan ta e kurason di tur loke nos ta hasi. Nos ta skucha nos klientenan i ke surpasá nan ekspektativanan pa kubri nan nesesidatnan. Pues, nos ta enfoká pa proveé balor inigualabel ku produkto i servisionan ku ta kuadra pa futuro. P’esei nos ta sigui invertí den nos ret mobil ku ta duna nos klientenan e ekselente kalidat di servisio ku nan ta meresé. Nos tim a traha duru riba konstrukshon di e fundeshi korekto pa kosnan great na kaminda ku lo mehorá e eksperensia di servisio di nos klientenan. Nos a introdusí algun mehorashon kaba awe i lo tin sigur mas na kaminda. I nos ta kontentu di por deleitá nos klientenan ku e mehorashon ku ta biniendo.”

Flow su ret mobil ta keda un di e proveédonan mas grandi na Boneiru i lo sigui ku spitnan mobil i kobertura ku ta inigualabel riba nos islanan. E marka Chippie lo keda eksistí komo nos produkto mobil bou di e marka prinsipal Flow na Boneiru. Nos klientenan lo mira e servisionan di Chippie ku nan konosé i ta stima, evolushoná pa brinda mas balor i posibilidatnan, i lo mira nos UTS Store transformá pa Flow kuminsando awe.

“Segun nos ta kuminsá un etapa nobo, nos mandato na nos klientenan lo ta guiá pa simplisidat i transparensia. Na mes momento, nos lo sigui invertí den nos ret mobil i nos hendenan, miéntras nos ta proveé nos komunidatnan ku e hèrmèntnan nesesario pa konektividat i oportunidatnan pa éksito,” Macaya a añadí.

 

»Return to Press Releases